هذه قصيدة كتبتها عام ((1994)) ايام اتفاقية شرم الشيخ التي كان من آثارها
اعطاء غزة واريحة للفلسطينين كأماكن حكم ذاتي لمنظمة التحرير الفلسطينية
فكان مني هذا الانفعال الشعري
خفافيش السلام
":*"*:"*:":*"*:"*:*":*":**":*"*:*":*
"*:"*:"*:"*:"*:"*:"*:":*"*:*":*"*:*":*"
ع القلب حط وطار حمام ابيض جميل
غصن الزتون .. اخضر بلون الخير دليل
والخير طريقه الف ميل
والشر اقرب مننا من نفسنا
وده حظنا ............
نكبر نعيش في دنيا ..دنيا مضلمة
والحق نور ...........
ونوره ........ لمبة معتمة
فين حقنا ............!!!!؟
دور يا واد على حق ضاع
من يوم ميلاد الصهينة
فين ارضنا ........!!!!!؟
ارض الجدود
والارض عـــرض
العرض عـــــــــــود
في ظهرنا اللي انحنى
قدام يهود مالهم وعود
ووعود كتير تتقالنا
نحلم ........
نحلم بإن الحق قرب مننا
ولكننا ..........
نلقى الوعود زي الحدود
مالهاش وجــــــــــود على ارضنا
غزة واريحة ..... يادي الهنا
قالوا خلاص من حقنا
قمنا حمدنا ربنا
ان انكتب يكون لنا
مترين في متر ف ملكنا
ولكننا نلقى الوعود زي الحدود
مالهاش وجود على ارضنا
قالوا سلام ....
تعظيم سلام للمعلمة
رابين وقورطة معلمين على ارضنا
بيخططوا .....
ازاي سلام مع هيمنة
ازاي سلام ويذلنا
والذل مكتوب ع الجبيــــــــــن
من ميت سنة
من يوم ما ضاع من قلبنا
خوفنا وايمانا بربنا
من يوم فرط كل واحد مننا
في عزته ........
علشان رغيف العش ويرضي شهوته
وزمته ..........!!!!!!!!
ايه يعني يرضي زمته
ما دام هايملا معدته
دلوقت نيجي نقول حرام .!!!!
ونروح ندور ع السلام
تحت الجزم
و(رابين) فوقينا بالحزام
عرفتوا ايه معنى السلام ؟؟
عرفتوا ليه كان السلام ؟؟؟
علشان يسكت كل صوت بيقول حرام
علشان يموت كل صحوة تقوم وسط النيام
علشان يحافظ ع الظلام
ويحمي خفاش السكوت
احسن يموت
ويتفتح باب التابوت
لكل عصفورة سلام
الرئيسية 
